Orygynale Cronykil of Scotland

Qwhene off Atholle the Erle Dawy En Kilblene wes slayne all wtrely

QWHEN Schyre Andrewe off Murrawe herd,

How rudly the Erle Dawy ferd

Wyth his men, he wes all angry,

And thoucht to rays the sege in hy.

Than all thame gaddryd he,

That on sowth-halffe the Scottis Se

He mycht purches off armyd men:

The Erle Patryke come till hym then:

Wyth hym bathe Ramsay and Prestown

And othir sere off gret renowne;

Willame off Dowglas als wes thare

Wyth his gud men, that worthy ware,

And othir sere, qwhill thai war then

Welle aucht hundyr off fychtand men:

The floure off that half the Scottis Se

At that tyme in his Court had he.

Thai rade on thare way sa fast,

Qwhill thai have the Mownth sawffly past.

The Erle herd off his cummyng welle,

And departyde swa fra the castelle:

Till Kylblene strawcht the way tuk he,

And lugyd thare hys gret menyhé

At the est end, rycht in the way.

And rycht befor thame, qwhar thai lay,

At the Halle off Logyrothwane

Schyr Andrew his herbry has tane.

Syne come till hym fra Kildrwmy

Thre hundyr, I trow wycht and hardy,

That comfort his men [a] gret thyng;

And he wes glade off thare cummyng.

So in his cumpany wes ane

Jhon off the Crag, that [hade] bene tane

Wyth the Erle, and suld his rawnsown pay

Apon the morne, that wes his day:

He sayd to the lordis in prewaté,

Gyve thai wald trow his cownsalle, he

Suld throw the wode a redy way,

Enwerown quhare thare fays lay

And behynd, bryng thaim on welle nere,

Or thai owcht off thaire cummyng suld here.

And he fullfillyd all, that he hycht;

For swne efftyr the mydnycht

To Dey he led thaim, and thare thai

Fand in the wode a redy way:

That way thai went, qwhill that thai ware

Passyd thare fays a mylle and mare.

Endlang the wode war wayis twa;

The Erle in the umast lay off tha:

The Scottis men held the tothir way;

Syne owrthort to that way held thai.

Thare hors thai levyd thare ilkane,

Syne to thare fays on fut ar gane,

That off thare come wyst nakyn thyng.

Bot syne welle swne in the dawyng

Thare dyscuverouris gat on thaim sycht,

That wyth all hy, that evyr thai mycht,

Warnyt the Erle; and he in hy

Gert trwmpe, and warnyt his cumpany:

Fand in the wode a redy way:

That way thai went, qwhill that thai ware

Passyd thare fays a mylle and mare.

Endlang the wode war wayis twa;

The Erle in the umast lay off tha:

The Scottis men held the tothir way;

Syne owrthort to that way held thai.

Thare hors thai levyd thare ilkane,

Syne to thare fays on fut ar gane,

That off thare come wyst nakyn thyng.

Bot syne welle swne in the dawyng

Thare dyscuverouris gat on thaim sycht,

That wyth all hy, that evyr thai mycht,

Warnyt the Erle; and he in hy

Gert trwmpe, and warnyt his cumpany:

Willame off Dowglas, that had then

The waywarde wyth the wychtast men,

That ware in all thare cumpany,

Qwhen that he sawe the Erle Dawy

Stand wyth his men arayid swa,

Hys spere in bathe his handis can ta

And kest it owrthort, and can say, "

Standis lordis a stownd; " and thai,

That war in till his cumpany,

Murmuryde tharoff all prewely.

Qwhen the Erle [ Dawy ] saw, that thai

Stwde swa, in hy he brak aray,

And cryid, " Hey! apone thame tyte,

For thai ar welle nere dyscumffyte. "

Than till a fwrde downe can thai ga:

And qwhen the Dowglas saw thaim do swa,

He sayde, " Now we. " But mare lete,

Thai strawcht thare speris, and thai thaim mete

In to the fwrd. Robert Bradey,

Ane hardy knycht, thare gert thai dey.

Amang thaim strakis gret thai gave.

Wyth that Schyr Andrewe off Murrawe

Com in on syd so sturdely

Wyth thame all off his cumpany,

That in thare cummyng, as thai say,

Thai bare down buskis in thare way.

Fra he assemblyde abade nane;

The comownys all the flycht has tane.

Schyr Robert Meyhneis till Canmore

Went, qwhare he wonnand wes before:

Thiddyr he went, and in a pele

He sawffyt hym and his menyhé welle.

And syne apon the tothir day

He tretyd, and come to thare fay.

Thare war bot fewe slayne in that fycht,

For the wode held thame owt off sycht:

And thai fled als so hastyly,

That away gat the mast party.

This fycht on Saynctandrewys day,

Or on [the] evyn, as thai say,

As I devys, here strykyn was.